調解原則：調解員的工作就是聆聽。
家中的洗衣機去水喉突然漏水，媽媽請了師傅過來檢查。
師傅說：「而家睇到，係條洗衣機去水喉漏水，幾時開始？」
媽媽說：「早幾日囉，部機新買架。」
師傅說：「照我睇，舊機個陣，條喉已經漏水，係咪？」
媽媽說：「唔係，一開始都冇漏。」
師傅說：「會唔會舊機條喉已經漏水，你唔知？」
媽媽說：「我日日都係屋企，點會唔知呀？」
師傅說：「但係條去水喉睇落去好似塞咗，裝新機，點會唔檢查條喉有冇塞？」
媽媽說：「如果一裝新機就漏水，我一定要佢整番好先走啦。」
師傅說：「咁真係奇怪，究竟條喉係裝新機之後先漏水，定係舊機嗰陣已經漏水呀？」
媽媽說：「你都唔明我講咩！都話部機新買，前幾日先漏水。」
我說：「我媽媽既意思係，佢條喉幾時塞、塞成點就唔知，但係一初裝新機，冇發現漏水，條喉漏水就幾日前先發現。」
媽媽說：「我就係想咁講。」
師傅說：「咁換咗條喉啦。」
……
學生說：「點解師傅同媽媽好似唔多溝通到？」
老師說：「大家都心急講自己嘅嘢。」
學生說：「師傅急咩？」
老師說：「師傅急住判斷點解漏水同幾時漏水。」
學生說：「媽媽急咩？」
老師說：「媽媽急住表達新機漏水既無奈。」
學生說：「咁調解員急咩？」
老師說：「調解員急住聽清楚兩個當事人講咩，搵機會澄清一下。」
【文：#YipSir】