調解技巧：重塑
公園管理處
一名公園清潔女工跟一名公園保安員正在交談。
女工說：「嘩，遲早要唔撈。」
保安員說：「做得好地地，做咩要唔撈姐？」
女工說：「上一更清潔，成日做到天一半，地一半。」
保安員說：「即係點呀？」
女工說：「即係未攪惦晒D野，夠鐘就收工。」
保安員說：「咁邊個執佢手尾呀？」
女工說：「仲問邊個？我囉！」
保安員說：「咁唔岩規矩wor。」
女工說：「簡直係離譜，管理公司陳小姐又唔理。」
保安員說：「咁你諗住點呀？」
女工說：「我同陳小姐講唔撈，到時睇下邊個死。」
保安員說：「邊個死？」
女工說：「管理公司要留我，我就要佢整死上一更個隻懶野，炒左佢；管理公司唔整死佢，我就唔撈，到時等管理公司俾人投訴死。」
保安員說：「其實你咁盡責，都唔係要邊個死，只係要有人負責任咋麻。」
女工說：「係呀，唔係要人死，係要人負責任。」
保安員說：「咁你之前有冇同管理公司反映問題呀？」
女工說：「仲有咩好講，唔係佢死就我亡。」
保安員說：「咁究竟有冇同管理公司講過？」
女工說：「冇呀，都唔識講，唔知點講好。」
保安員說：「咪真接講話，我冇時間跟上一更D手尾，萬一有人投訴點算好囉？」
女工說：「又係wor，咁咪唔駛理佢地點死囉。」
保安員說：「係呀，管理公司既責任俾番管理公司；上一更既責任俾番上一更。你可以盡你既責任，做好你個更既清潔。」
#調解生活 #調解技巧 #重塑 #調解 #調解員 #調解培訓 #和解 #大和解 #
【文：#YipSir】