調解技巧：各取所需
天朗家的洗衣機壞了，跟爸爸媽媽去購買一部新的。
店員說：「呢部惠而浦幾好架。」
媽媽說：「呢部幾好咁，係唔係，天朗？」
天朗說：「買囉。」
職員說：「而家買，送維修保養優惠，只係需要千二蚊，就…」
爸爸說：「你唔好同我講呢D野啦，包維修保養，邊有保證架，我哋唔要呀。」
職員說：「唔係呀，公司真係…」
爸爸說：「真係唔知要約到幾時，個師傅先肯上黎整。」
職員說：「放心，會盡快既…」
爸爸說：「兩日，即刻寫兩日落張單度呀！」
職員說：「我地係銷售部，其實係無辦法代替維修部…」
爸爸說：「你唔好同我講呢D啦，我地唔要呀。」
職員轉向媽媽。
職員說：「你地而家用咩牌子既洗衣機？」
媽媽說：「金章。」
職員說：「部金章用咗幾耐呀？」
媽媽說：「差唔多十年架啦，好襟架。」
職員說：「十年黎，有冇壞過？」
媽媽說：「梗係有啦，次次壞都要請師傳上黎整。」
職員說：「師傅上黎一次，平均要幾多錢？」
媽媽說：「三五百，走唔甩。」
職員說：「啱啦，公司千兩蚊保到部機冇得救為止。」
爸爸說：「你梗係咁講啦，你係sales。」
職員說：「公司賺錢，你都慳番維修保養費。」
爸爸說：「慳得幾多？」
職員說：「叫師傅上黎兩次條數已經係度啦。」
爸爸說：「你唔好同我講呢啲嘢，我冇應承過俾千二蚊你。」
職員說：「啱既，謹慎理財。但係聽我介紹係唔駛錢嗰wor。」
爸爸說：「要錢我唔聽呀。」
職員說：「放心，聽我介紹，費用全免，你有賺冇蝕。」
爸爸說：「咁都好D。不過我聽咗你介紹，你都可以完成sales既任務，你都有賺冇蝕啦。」
職員說：「哈哈，聽清楚我介紹，你唔係可以更全面衡量一下咩？
爸爸說：「咁又係，不過我聽你清楚介紹，都增加我買既機會，你多咗機會抽佣，你都有賺冇蝕啦。」
職員說：「你真係聰明，咁唔知可唔可以聽我介紹一下呢？」
爸爸說：「好啦，反正有賺冇蝕。」
【文：#YipSir】
#調解生活 #各取所需
#真係唔係賣洗衣機廣告
#注意衛生
#身體健康
#調解 #調解員 #調解培訓 #和解 #大和解