調解技巧：「會意、感知、總結」
我是小三A班功課輔導班導師，當下在課室監督學生做功課。有一名男生突然走出教師桌。
展華說：「老師，岩岩我去廁所個陣，有人無喇喇一拳打我個肚，而家好痛呀。」
我說：「邊個無喇喇打你一拳？」
展華說：「崔健朗。」
我說：「邊班架？」
展華說：「B班囉。」
我說：「你而家即刻過去叫崔健朗過嚟。」
展華帶健朗過來。
我說：「崔健朗，你係咪岩岩無喇喇係廁所度一拳打趙展華個肚？」
健朗說：「老師，唔係咁架。」
展華說：「老師，就係佢無喇喇打我個肚呀，我而家好痛，要罰佢，唔係佢下次又係咁。」
健朗說：「老師，唔係咁架。」
我說：「健朗，你老實答我，究竟有冇一拳打落趙展華個肚度？」
健朗說：「有。但係老師，唔係咁架。」
我說：「誠實講出嚟，好好。」
展華說：「老師，我個肚好痛呀，要罰佢。」
我說：「我聽到啦，你等一陣。健朗，咁你係咪無喇喇出拳？」
健朗說：「老師，唔係咁架。」
我說：「無喇喇既意思即係，展華咩都冇做，你就出拳？」
健朗說：「唔係，我洗手個陣，佢係咁搵水潑我呀，我條褲濕晒。」
我看看健朗下半身。
我說：「展華，你係咪搵水撥濕晒佢呀？」
展華說：「係…但係我個肚好痛。」
我說：「咁好呀。展華，你去保健室。健朗，你去訓導處。」
健朗說：「老師？」
展華說：「好呀。」
我說：「展華，你咁開心做咩？你去完保健室，都要去訓導處呀。」
展華說：「點解呀，老師？」
我說：「健朗出拳打人，要罰。你明明潑濕晒健朗在先，仲要屈健朗無喇喇出拳，係咪要罰呀？」
【文：#YipSir】
#調解生活 #調解技巧 #會意 #感知 #總結 #調解 #調解員 #調解培訓 #和解 #大和解