調解技巧：積極聆聽
阿明家中剛剛買了一隻三個月大的狗仔。為了狗仔安全，阿明換了家中使用多年的摺疊式麻雀枱。
媽媽說：「換左張枱？」
阿明說：「係呀。以前個張麻雀枱隻枱腳係交叉摺疊式，一摺埋就可能會夾親狗仔。而家張枱有四隻腳直立式，咁狗仔一定唔會被枱腳夾親。」
媽媽說：「哦，呢張枱好似細過之前個張？」
阿明說：「係呀，以前個張係正方形，長35吋、闊35吋。而家個張白色既係長方形，長32吋，闊28吋。不過呢張內有機關，可以變大。拿，試俾你睇下。」
媽媽說：「哦，係wor。」
阿明：「阿媽，換左張枱，覺唔覺個廳大咗呀？」
媽媽說：「不過張枱，美中不足既地方呢，就係冇櫃桶。」
阿明說：「係冇櫃桶呀。阿媽，換左張枱，覺唔覺個廳大咗呀？」
媽媽說：「張枱係邊度買架？」
阿明說：「禮拜日同阿妹係Mega Box宜家傢俬買架。阿媽，換左張枱，覺唔覺個廳大咗呀？」
媽媽說：「幾多錢？」
阿明說：「一千蚊左右。阿媽，換左張枱，覺唔覺個廳大咗呀？」
媽媽說：「我知，你掉咗舊時張麻雀枱，洗成千蚊換張新枱，都係為左你隻狗仔咋麻。」
阿明說：「係為左我隻狗仔呀。阿媽，換左張枱，覺唔覺個廳大咗呀？」
媽媽說：「咁多年，都冇聽過你要換枱。」
阿明說：「咁咪就係今年換囉。阿媽，換左張枱，覺唔覺個廳大咗呀？」
媽媽說：「係啦，阿媽，阿媽，成日阿媽，你想問咩姐？」
阿明說：「阿媽，我想問，換左張枱，覺唔覺個廳大咗呀？」
媽媽說：「唉，個廳係大咗呀。同一條問題，問完又問，你唔煩我都煩，問咁多次做咩姐？」
阿明說：「我就一條一條對準你既問題黎答，但係你就一直都冇對準我條題黎答，我咪問多次囉。」
媽媽說：「咁你而家仲唔繼續問，阿媽，換左張枱，覺唔覺個廳大咗？」
阿明說：「因為你啱啱已經對準我條問題黎答啦麻。答完又問，你唔煩我都煩啦。」
【文：#YipSir】
#積極聆聽
#調解 #調解員 #調解培訓 #和解 #大和解