調解技巧：雙贏局面
中期考試完結，六名講師返回大學開會。會議過後，高級講師Amy邀請其餘五位到茶樓聚餐。
Amy說：「嘩，Billy sir，你隻右眼攪咩呀？」
Billly說：「聖誕係咁食熱氣野，眼底連環生瘡，最終爆眼。」
Amy說：「食咩熱氣成咁呀？」
Billy說：「打邊爐、韓燒、天婦羅、薯片、蝦條……」
Amy說：「做咩食咁多熱氣野呀？」
Billy說：「大學停課，啱啱撞正聖誕，見下呢個，會下嗰個，開心呀麻，想食咩咪食咩囉。」
Amy說：「開心就放肆啦，係咁食熱氣野，食到爆眼為止。你係大學講師黎架！」
Billy說：「我知，我係大學講師。」
Amy說：「知你就仲係咁食熱氣野，一陣失聲點算呀？」
Billy說：「唔緊要。」
Amy說：「仲唔緊要？」
Billy說：「而家大學停課，開心一下，食到爆眼失聲都唔緊要。復課之後就要節制一下啦，講師唔可以成日請病假，影響到學生，影響到學院。」
Amy說：「好，你開心，學生開心，學院開心，大家叫嘢食呀。我要蛋散。」
Carrie說：「我要豬潤腸粉。」
Derek說：「我要金錢肚。」
Esther說：「我要蝦餃。」
Fanny說：「我要鮮竹卷。」
Amy說：「Billy sir，差你未叫，想食咩？」
Billy說：「我想食春卷，不過都係唔好，廢事爆眼失聲。」
Amy說：「唔怕，想食春卷就叫啦，今日咁開心，放肆一下都無防。」
Billy說：「都係唔好啦，廢事……」
Amy說：「唔怕，你爆眼失聲，夠晒時間睇醫生，仲有兩個禮拜先開學。你開心，學院方面都無問題架。」